லிக் ஃபுளோரிகான் பறவை இந்தியாவில் உயர்ந்து வளர்ந்த புற்பகுதிகளிலும் ,புதர்களிலும் காணப்படுகிரது .உறைவிட அழிப்பாலும்,இறைச்சிக்காக வேட்டையாடப்பட்டதாலும் இது அபூர்வ பறவையாகி விட்ட்து.இனச் சேர்க்கை காலங்களில் இப்பறவைக்கு தலை,கழுத்து,கீழ்ப்பகுதிகளில் கறுமை படர்ந்த மங்கிய மஞ்சள் நிறத்திலும் பக்கவாட்டு பகுதிகள் வெண்மை நிறத்திலும் கொண்டை இறகுகள் கறுமையாகவும் இருக்கும்.பெண் பறவை சற்றுப் பெரியதாகவும் ,கருமை படர்ந்த இள மஞ்சள் நிறத்திலும் இருக்கும்
இளம் நெருப்பு கோழி போன்ற அளவுடைய பஸ்டர்டு பறவை நிலத்தில் வாழும் பெரும் பற்வையாகும்.திண்ணிய மஞ்சள் நிறமுடைய சிறகுகள் ,அவற்றின் ஓரத்தில் கறுப்பு வண்ணம்,கருமை நிறக் கொண்டை,வெண்மையான நீண்ட கழுத்து,வெள்ளை நிறம் உடைய உடலின் கீழ்ப்பகுதிகள் ஆகியன இதனை வேறுபடுத்திக் காட்டும் அடையாளங்களாகும்.ஒரு காலத்தில் வங்காளம் ,அஸ்ஸாம் ,தென்மைசூர் நீங்கலாக ,இந்தியா முழுவதும் காணப்பட்ட இப்பறவை ,தற்போது ராஜஸ்தானின் வறண்ட் பகுதிகள்,குஜராத் மற்றும் மகராஷ்டிராவில் அகமது நகர் மாவட்டம் ஆகிய இடங்களில் மட்டுமே தென்படுகிறது.. 
மனிதனுக்கு தெரிந்த முதல் பறவை “ஆர்க்கியோடீரிக்ச்” எனப்படும் மிகப் பழமையான ஊர்வன்வற்றுக்கும் பறப்பன வற்றுக்கும் இடையிலான ஒரு விலங்காகும்.இது பவேரிய புதைப் படிவத்திலிருந்து தெரியவருகிறது. பறவைகள் உலகம் என்பது பத்து பைசாவை விட எடை குறைந்த ஹம்மிங் பறவை முதல் 135 கிலோக்கும் அதிக எடை கொண்ட நெருப்பு கோழி வரை அடங்கும்.
ஒரு காலத்தில் உத்திரப்பிரதேசத்தில் உள்ள டெராய்ப் பகுதி அஸ்ஸாம்,மேற்கு வங்காளம் மற்றும் திரிபுரா மாநிலங்களில் காணப்பட்ட ஹிஸ்பிட் காட்டு முயல் தற்போது ஒடுங்கி விட்டது.சற்று மெதுவாக ஓடக் கூடிய இம்முயல் வேர்கள், மரப்பட்டைகள் சிறுசெடி கொடிகள் ம்ற்றும் இலைகளை உண்டு வாழ்கிறது.ஆண்டில் இரண்டு அல்லது மூன்று முறை ஈனும்.உண்ணும் உணவில் உள்ள சத்துப்பொருட்களை கிரக்கிப்பதற்காக இதற்கு சிறப்பான செரிமான தொகுப்பு உறுப்புக்கள் உண்டு.இது தனது சாணத்துடன் ஓரளவே செரிக்கப்பட்ட உண்வையும் வெளியேற்றுகிறது. புழுக்கைகள் என்றழைக்கப்படும் ஓரளவே செரிக்கப்பட்ட ஆகாரத்தை இது மீண்டும் உட்கொள்ளுகிறது.இவ்வாறு உட்கொள்ளப்பட்ட ஆகாரம் மீண்டும் செரிக்க்ப்படுவதால் இதிலிருந்து முக்கிய வைட்டமின்கள் உடலுக்கு கிடைகின்றன.
மார்க்கோர் காட்டு ஆடு பருத்த உடல் மற்றும் அடர்ந்த மென் மயிர் கொண்ட்து.கிடா ஆட்டிற்கு முட்டி வரை தொங்கும் சாம்பல் நிற பிடரி மயிர் இருப்பது குறிப்பிட்த்தக்கது.பெட்டை ஆட்டிற்க்கு இந்த பிடரிமயிர் முவாய்க் கட்டை வரை மட்டுமே தொங்கி காணப்படும்.கிடாவிற்கு நீண்ட தட்டையான முறுக்கப்பட்ட ஒரு சோடி கொம்புகள் காணப்படும்.பெட்டை ஆட்டின் கொம்புகள் குறுகியவை.
இமய மலை பகுதிகளில் தென்படும் இபெக்ஸ் காட்டு வெள்ளாடு கட்டுடல் கொண்ட நேர்த்தியான விலங்கு .ஆண் ஆட்டிற்க்கு நீண்ட தாடியும் நீண்ட தட்டையான வளைந்த கொம்புகளூம் இருக்கும்.பெண் ஆடுகளின் கொம்புகள் சிறியன.இதன் நிறம் பருவ காலங்களைப் பொருத்து அமையும்.குளிர்காலத்தில் சாமபல் பூசிய மஞ்சள் நிறமும் வெயில் காலத்தில் கிடாவிற்கு வெண் திட்டுக்கள் நிறைந்த திண்ணிய பழுப்பு நிரமும் பெட்டைக்கு மஞ்சள் பழுப்பு நிரமும் காணப்படும்.
இமயமலை வரையாட்டுடன் தொடர்புள்ள நீலகிரி வரையாடு தென்னிந்தியாவில் காணப்படும் ஒரே வகை மலை வெள்ளாடு ஆகும்.திண்ணிய உடலமைப்புடைய இது நல்ல விரை திறனும் கொண்டது.பாறை மலைப் பகுதிகளில் வாழத் தன்னை தகவமைத்து கொள்ளும் திறமை படைத்தது.இளமையில் சாமபல் அல்லது பழுப்பு நிறமாகவும் இருக்கும் உடல் நிறம் வயது முதிர்ந்த்தும் கருமையாகி விடும்.பெட்டை மட்டும் குட்டி ஆடுகள் மஞ்சள் கலந்த சாம்பல் நிறத்தில் இருக்கும்.நன்கு வளர்ச்சியடைந்த வரையாட்டிற்க்கு முதுகில் நரைத்த திட்டு போன்ற அமைப்பும் கழுத்தில் குறுகிய பிடரி மயிறும் காணப்படும்.தலையின் பின்புறம் தோன்றும் ஒரு சோடிக் கொம்புகள் இணையாக எழும்பி பின்பக்கம் வளைந்து நெருக்கமாக குறுக்கு வாட்டில் செல்லும் திரைவுச் சுருக்கங்கள் கொண்டு தோற்றமளிக்கும்.
இமயமலை வரையாடு ஒரு மலி வெள்ளாடாகும்.கழுத்திலிருந்தும் தோள்பட்டையில் இருந்தும் தொங்கும் நீண்ட முடி முட்டி வரை காணப்படும்.இதன் பிடரி மயிர் பறட்டையாக தோற்றமளிக்கும்.திடமான தேகம் வலுவான கால்கள் குறுகிய விரைப்பான் காதுகள் மற்றும் பின்னோக்கி வளைந்த கொம்புகள் கொண்டு விளங்கும்.உடல் செந்நிறம் சார்ந்த பழுப்பு நிறமாக்க் காணப்படும்.
அளவில் வெள்ளாட்டை ஒத்திருக்கும் திபேத்திய சிறுமான திண்ணிய நிறமும் பின் நோக்கி கூராக வளைந்த கொம்புகளும் கொண்டு விளங்கும்.வால் குறுகியும் முனையில் கருமையாகவும் இருக்கும்.பெண்மானுக்கு கொம்புகள் கிடையாது.
சிங்கார மான் என்று அழைக்கப்படும் ,இந்திய சிறுமான் பேரழகு வாய்ந்த ஒன்றாகும்.மெல்லிய தேகம்,லேசாக வலைந்த கொம்புகள்,அவற்றில் நெருங்கி அமைந்த வளையங்கள்,லேசான செக்கர் நிறம் ஆகியவை இம்மானின் சிறப்பு அம்சங்களாகும்.முகவாய்க்கட்டை மார்பு மற்றும் கீழ்ப் பகுதிகள் வெண்மையாக இருக்கும்.பெண்மானின் கொம்புகள் சிறியன.
எலி மானின் தோள்பட்டை உயரம் 25 முதல் 30 செ.மீ வரை இருக்கும்.மிகச் சிறியதாக உருவம் படைத்த இதற்க்கு கொம்புகள் இல்லை.ஆனால் சிறிய வால் உண்டு.நிறம் ஆலிவ் பழுப்பாகவும் ,உடலில் மேற்பகுதிகளில் இதுவே வெண்மையாக மாறியும் காணப்படும்.ஆண்மானுக்கு கோரைப் பற்களே ஒரு சோடி தந்தங்களாக மாறிக் காணப்படும்.மருள்கின்ற குண்முடைய எலிமான் ,தென்னிந்தியா,மத்திய பிரதேசம்,ஒரிஸ்ஸா, மற்றும் பீஹார் மாநிலங்களில் உள்ள காட்டுப்பகுதிகளில் 1800 மீட்டர் உயரமுள்ள இடங்களில் காணப்படுகிறது.இது புற்களையும் இலைகளையும் உணவாக கொள்கிறது.
ஆண் கஸ்தூரி மானுக்கு வயிற்றுப் பகுதியில் உள்ள தொப்புலுக்கு அருகே தோலுக்கடியில் ‘மஸ்க்’ சுரப்பி இருப்பது அதன் சிறப்பு.இனச் சேர்க்கை பருவத்தில் பெண் மானைக் கவரும் பொருட்டு ,இந்த மஸ்க் சுரப்பியிலிருந்து நல்ல மணம் வீசும்.இனச் சேர்க்கை நேரங்களில் மட்டும் ஆண் கஸ்தூரி மான்கள் பெண் மான்களுடன் காணப்ப்டும்.பிற சமயங்களில் தனியாகவே தென்படும்.பக்லில் ஒளிந்து கொண்டிருந்துவிட்டு இரவில் உணவை தேடி திரிந்து உண்ணும் .கூர்மையான தலை,பெரிய காதுகள்,சிறிய வால்,கொம்புகள் இல்லாமை ஆகியவை கஸ்தூரி மானின் சிறப்புக்களாகும்.ஆன் மானுக்கு ஒரு சோடி தந்தங்கள் உண்டு.இதன் தோலில் பழுப்பு மற்றும் தங்க நிறம் கொண்ட மென் மயிர் காணப்படும்.இப்போதுள்ள மான்க்ளுக்கு எல்லாம முன்பே தோன்றி கஸ்தூரி மான்,காஷ்மீர் முதல் அருணாசலப்பிரதேசம் வரையிலான உயர்ந்த மலைகளில் வாசம் செய்கிறது.இது மரப்பாசிகள்,பெரணிகள்,பூக்கள்,இலைகள்,மற்றும் புற்களை உண்டு வாழ்கிறது.தோள்பட்டை உயரம் 50 செ.மீ உயரம் வரை இருக்கும்.இவற்றின் உடலமைப்பு கச்சிதமாகவும் காலகள், பனி படர்ந்த வழுக்குகின்ற பாறைகள் நிறைந்த இடங்களில் நடப்பதற்கேற்றவாறு வலுவுடன் குளம்புகளைக் கொண்டிருக்கும்.
உலகில் காணப்படும் மான்களிலேயே மிகவும் நேர்த்தியானது கறுப்பு மான் ஆகும்.நன்கு முதிர்ச்சியடைந்த ஆண்மானுக்கு கருமையான அல்லது கருமை பட்ர்ந்த பழுப்பு நிற உடல் இருக்கும்.உடலின் கீழ்ப்பகுதிகள் வெண்மையாகவும் கண்களைச் சுற்றிலும் வெண்மையான திட்டுகளும் இருக்கும்.இதர்கு 50 முதல் 60 செ.மீ.நீளமுள்ள ஒரு சேடிச் சுருட்டைக் கொம்புகள் உண்டு.பெண்மான் அள்வில் சிறியதாகவும் மஞ்சள் பழுப்பான உடலும் ,கீழ் பகுதிகளில் வெண்மையாகவும் ,கொம்புகள் அற்றும் காணப்படும்
ஹங்கல் என்றழைக்கப்படும் காஷ்மீர் மான் உருவத்தில் சற்றும் பெரியதாகவும்,பிளவு பட்ட கொம்புகளைக் கொண்டும் காணப்படும்.ஒவ்வொரு கொம்பிலும் 5 முதல் 6 வரை கிளைக் கொம்புகள் இருக்கும்.உடலின் நிறம் இலேசான அல்லது திண்ணிய பழுப்பு நிறமுடையதாகவும் பிட்டத்தில் வெள்ளைத் திட்டும் காணப்படும்.உடம்பின் இரு புறமும் கால்களிலும் நிறம் மங்கித் தோன்றும்.முகவாய்க் கட்டையும் காதுகளும் வெண்ணிறத்தில் காணப்படும்.
சாமபார் மான போன்று தோற்றமளிக்கும் தாமின் மான்.உருவத்தில் சற்றுச் சிறியது ஆனால் அழகு வாயந்தது.இதன் கொம்புகள் ஏறக்குறைய வட்ட வடிவாக இருக்கும்.இரண்டு முதல் பத்து சிறிய கிளைக் கொம்புக்ளை பெற்றிருக்கும்.மான் கொம்பின் முதற்கிளை நீளமாக அமைந்து முக்கிய கொம்புடன் சேர்ந்துவிடுவதால் இதற்கு வட்ட வடிவம் கிடைக்கிறது.இது புருவத்தின் மேல் அமைந்திருப்பதால் இம்மான் “புருவ கொம்பு மான்” என்றும் அழைக்கப்படுகிறது.இதன் உடல் செற செறப்பாக இருக்கும்.ஆண்மான் குளிகாலத்தில் திண்ணிய நிறத்துடனும் காட்சியளிக்கும்.பெண்மான்களும் குட்டிகளும் இளம்ஞ்சள் நிறம் கொண்டிருக்கும் .குட்டிகளூக்கு உடலில் புள்ளிகள் உண்டு.
கொம்பு மான்க்ளில் இந்த வகை நாலு கொம்பு மான் மிகவும் வித்தியசமானது.ஆண் மாண்களுக்கு ஒன்றன் பின் ஒன்றாக அமைந்த நான்கு குறுகிய கூர்மையான கொம்புகள் இருக்கின்றன.முன்புறமாக அமைந்துள்ள முதல் சோடி கொம்புகள் 5 முதல் 6 செ.மீ நீளம் கொண்டு குமிழ் போன்று குறுகி இருக்கும்.பின்புறமுள்ள 2 வது சோடி கொம்புகள் நீளம் 12 செ.மீ இருக்கும்.இதன் உடல் 1 மீட்டர் நீள்மும்,தோள்பட்டை உயரம் 60 செ.மீ வர இருக்கும்.உடலில் காணப்படும் மெல்லிய குறுகிய மென்மயிர், மேற்பகுதியில் செம்பழுப்பாகவும் ,கீழ்ப்பகுதியில் வெண் பழுப்பாகவும் தோன்றும்.ஒவ்வொரு காலுக்கு முன்புறமும் கருநிறப் பட்டை காணப்படும்.முன்னங்கால்களில் இப்பட்டை அகலமாக இருக்கும்.
கிளைகள் கொண்ட கொம்புகளுடன் அழகாக காணப்படுவதால் சதுப்பு நில மான் ,இந்தியில் பாரஹ் சிங்கா என்றழைக்கப்ப்டும் சிறப்பு வயந்த விலங்காகும்.இதற்கு அழகிய உரோமம் நிறைந்த தோல் இருப்பதால் இதன் உடல் மினுமினுப்பாக காணப்படுகிறது,வெயில் காலத்தில் இதன் நிறம் மங்கிவிடும். அவ்வப்போதுகொம்புகள் உதிர்க்கப்படுவதால் புதிய கொம்புகள் வெல்வெட் துணி போன்ற மென்மையான தோலுடன் தோன்றும். முதிர்ச்சி அடைந்த்தும் கொம்புகள் கெட்டிப்படுவதால் இனச் சேர்க்கை காலங்களில் தோலுறைகள் உதிர்ந்து விடும்.
”கார்” என்ற்ழைக்கப்படும் இந்திய காட்டெருமை,மிகப் பெரியதும் கரிய நிறமுடையதுமாகவும்.அமெரிக்க காட்டெருமையுடன் ஒப்பிடும்போது இதற்க்கு குறுகிய கால்களும் வெள்ளையான பாதங்களும் இருக்கும்.இஅதன் முடி குறுகியும் திண்ணிய பழுப்பு அல்லது கருஞ்சிவப்பு அல்லது கருப்பு நிறத்துடன் இருக்கும்.வால் குறுகி கரிய குஞ்சத்துடன் காணப்படும் .ஆண்-பெண் என் இருபால்களிலும் கொம்புகள் நன்கு வள்ர்ந்திருக்கும்.
காட்டெருமை பெருமபாலும் வீட்டெருமையைப் போன்றே காணப்படும்.கரும்பலகை நிறத்தை கொண்ட இதன் காலகள் நேராக்க் கருமையாக இருக்கும்.முட்டிக்கு கீழே அழுக்குப்படிந்த வெண்மை நிறம் காணப்படும்.கொம்புகள் தட்டையாகவும் அரச்சுற்றுப் போல மேல் நோக்கி வளைந்தும் இருக்கும்.ஆண்-பெண் இருபாலுக்கும் கொம்புக்ள் ந்ன்கு வளர்ந்திடுக்கும், ந்ன்முடைய வீட்டு எருமைகள் இவற்றிலிருந்து தோன்றியவையே.
பசுவுடன் தொடர்புடைய சடைமாடு ,உருவத்தில் பெரியதாகும் .இது 20,000 அடி(6000மீட்டர்)உய்ரமுள்ள பகுதிகளில் காண்படுகிறது.நீண்ட தாழ்வான உடலமைப்புடைய இது தொங்கிய தலை குறுகிய காலகள் உடல் முழுவதும் செற செறப்பான நீண்ட கருமை பட்ர்ந்த பழுப்பு நிற முடி ஆகியவற்றை கொண்டிருக்கும்.ந்னாகு முதிர்ச்சியடைந்த ஆண் சடை மாடு 1800 பவுண்டு(816 கிலோ)எடை கொண்டிருக்கும்.பெண் சடை மாடு சிறியதாகவும் குறுகிய கொம்புகளுடனும் இருக்கும்.இமய மலையில் உள்ள பனிபடர்ந்த பகுதிகளுக்கேற்ற மிகக் குளிரான சூழ்நிலையில் பிழைத்து வாழ இதனால் முடியும்.
ஆசிய காட்டுக் கழுதை குதிரையை விட சிறியதாகவும் வீட்டுக் கழௌதையை விட பெரியதாகவும் இருக்கும்.உடலின் நிறம் சாமபல் அல்லது மஞ்சள் பழுப்பு நிறமாகவும் வயிற்றின் அடிப்பாகத்தில் வெண்பட்டையாகவும் இருக்கும்.கருப்பு முனையுடன் கூடிய நீண்ட கூர்மையான காதுகள் உண்டு.திண்ணிய பழுப்பு நிறம் கொண்ட பிடறிமயிரும்,இதனை தொடர்ந்துவரும் கறுப்புக் கோடு ,முதுகில் சென்று வால் முனை வரை காணப்படும்.
சிவப்பு பாண்டா இரவில் வேட்டையாடும் மரத்தில் வசிக்கும் விலங்காகும்.கரடிக் குடும்பத்திற்க்கு நெருங்கிய பூனை போன்று தோன்றும் சிவப்பு பாண்டா அழகிய ரோமம் அடர்ந்த செக்கர் நிறத் தோல கொண்டது.வெள்ளையான முகமும் உருண்டையான தலையும் கொண்டது.மென்மயிர்க் கொத்துள்ள வாலும் அதில் மங்கிய அல்லது திண்ணிய செந்நிற வளையங்களும் வால முனையில் கருமையும் காணப்படும்.
புள்ளி லிங்சாங் புனுகுப் பூனை நீள் வடிவான உடலும் முறுகிய் மங்கிய நிறமுள்ள் தோலும் அதில் கரும் புள்ளிகளும் கொண்டு விள்ங்கும்.நன்கு ம்ரமேறவும் திறமையாக வேட்டையாடவும் வல்லது.கூர்மையான தலை சிறிய காலகள் குறுகிய வால் வாலில் 8 முதல் 10 வரை கரு வளையங்கள் ஆகியவை கொண்டு விளங்கும்.உடல் முழுவது நீளப்பாங்காக வரிசையாக அமையப் பெற்ற் புள்ளிகள் கழுத்து மற்றும் கால்களின் அடிப்பகுதியில் ஒன்றாக இணைந்து தொடர்ச்சியான வரிகளைப் போலத்தெரியும்.
புனுகுப் பூனைகள் (viverridae) ' விவரிடே’ என்னும் குடும்பட்த்தைச் சேர்ந்தது.பூனைகள் இஅவற்றின் உறவினர்கள் என்று சொல்லாம்.புனுகுப்பூனை நீண்ட உடலையும் குறுகிய காலகளையும் நீள் வடிவமான தலையையும் துறுத்திய மூஞ்சியையும் கொண்டது.கூர்மையான பார்வை ந்ன்கு மோப்பம் பிடிக்கும் நாசி ,துல்லியமாக கேட்கும் செவிகள் ஆகியன் இதன் சிறப்பு அம்சங்களாகும்.புனுகுப்பூனைகளை முற்றிலுமான ஊண் உண்ணும் விலங்குகள் என்று வகைப்படுத்த முடியாது .அவ்வப்போது இவை தாவரங்களையும் உண்டு வாழும்.
இதற்கு நீண்ட பறட்டையான கருவண்ண முடியும் மார்பில் ‘ V ' வடிவமான வெண்ணிற குறியும் இருக்கும்.தலை பெரியதாகவும் மூஞ்சி துறுத்திக் கொண்டும் இருப்பதால முகம் முக்கோன வடிவமாக தெரியும்.காலகளில் தட்டையான பாதங்களும் அவ்ற்றின் முன்புறம் நீண்ட வெண்ணிற வளை நகங்களும் இருக்கும்.கரட்டியின் பாதச்சுவடுகள் பார்ப்பதற்க்கு மனிதனின் பாதச் சுவடுகள் போன்றே தெரியும்.
