அழிவின் விழிம்பில்..-47

பெரிய இருவாட்சி

Great Pied Hornbill-Buceros Bicornis Homrai(Hodgson)

அள்வில் கழுகை ஒத்திருக்கும் பெரிய இருவாட்சிக்கு கொம்பு போன்ற அலகும்,பெரிய ‘V’ வடிவமான தலைகவசமும் கொண்டு ,குழிவான வடிவத்தில் காணப்படும்.உடல் கருமையும் வெண்மையும் கல்ந்திருக்கும்.முகமும் கீழ்ப்பகுதிகளும் கருமையாகவும் ,கழுத்தும் வயிற்றின் கீழ்ப்பகுதியும் வெள்ளையாகவும் இருக்கும்.வால் பகுதி வெண்மையான வரிகளை கொண்டிருக்கும்.

கேரளா வரை செல்லும் மேற்குத் தொடர்ச்சி மலைப்பகுதி,அருணாசலப் பிரதேசத்தில் உள்ள கீழ் இமய மலைப் பகுதிகள் மற்றும் வடகிழக்கு பகுதிகளில் இருவாட்சி வாசம் செய்கின்றன.இது பழங்கள்,பெர்ரிகள் அத்தி பழங்கள் போன்றவற்றை உட்கொள்ளும் ,பல்லி வகைகள் ,பாம்புகள் ,எலிகள் மற்றும் கூட்டிலிருக்கும் சிறு பறவைகள் ஆகியவற்றையும் உண்ணும்.