அழிவின் விழிம்பில்...-43

ஹிஸ்பிட்டு காட்டு முயல்

Hispid gare-caprolagus hispiddus(pearson)

ஹிஸ்பிட்டு காட்டு முயலுக்கு தடித்த குட்டையான முள் மயிர் இருக்கும்.இது பொதுவாக திண்ணிய பழுப்பு நிறமும்,கீழ்ப்பகுதிக்ளில் வெண்மை நிறமும் இருக்கும்.கருங்காட்டு முயலுடன் ஒப்பிடுகையில் இதன் காதுகள் சிறியவையாகத் தோன்றும்.

ஒரு காலத்தில் உத்திரப்பிரதேசத்தில் உள்ள டெராய்ப் பகுதி அஸ்ஸாம்,மேற்கு வங்காளம் மற்றும் திரிபுரா மாநிலங்களில் காணப்பட்ட ஹிஸ்பிட் காட்டு முயல் தற்போது ஒடுங்கி விட்டது.சற்று மெதுவாக ஓடக் கூடிய இம்முயல் வேர்கள், மரப்பட்டைகள் சிறுசெடி கொடிகள் ம்ற்றும் இலைகளை உண்டு வாழ்கிறது.ஆண்டில் இரண்டு அல்லது மூன்று முறை ஈனும்.உண்ணும் உணவில் உள்ள சத்துப்பொருட்களை கிரக்கிப்பதற்காக இதற்கு சிறப்பான செரிமான தொகுப்பு உறுப்புக்கள் உண்டு.இது தனது சாணத்துடன் ஓரளவே செரிக்கப்பட்ட உண்வையும் வெளியேற்றுகிறது. புழுக்கைகள் என்றழைக்கப்படும் ஓரளவே செரிக்கப்பட்ட ஆகாரத்தை இது மீண்டும் உட்கொள்ளுகிறது.இவ்வாறு உட்கொள்ளப்பட்ட ஆகாரம் மீண்டும் செரிக்க்ப்படுவதால் இதிலிருந்து முக்கிய வைட்டமின்கள் உடலுக்கு கிடைகின்றன.

குட்டிகள் ஈன்ற் உடனேயே பெண் முயல் மீண்டும் இனச் சேர்க்கைக்கு தயாராகிவிடுவதால் ஈனும் திறம் மிக அதிகம் .