மொளன வசந்தம்!

மொளன வசந்தம்!

ஜூன் 5,உலக சுற்றுச்சூழல் தினம். 1973 முதல் வருடந்தோரும் தவறாமல் உலக முழுவதும் கடைப்பிடித்து வரும் நாள்.சுற்றுச்சூழலில் அவசியத்தை வலியிறுத்தும் விதமாக கடைபிடிக்கப்படுகிறது.ஒவ்வொருவருடமும் ஒரு நாடு என்ற முறையில் கடந்த வருடம் இநதியா சிற்ப்பித்த்து. இந்த வருடம் பிரேசில் இதை ”பசுமை பொருளாதராம்” என்ற கருத்தில் முன்னெடுத்து செல்கிறது.

கண்காட்சிகள்,பரப்புரைகள்,போட்டிகள் போன்று பலவகையில் இதை முன்னெடுத்து சென்றாலும் மாறாத மனிதர்கள் முன் அவை உழக்கரிசி அன்னதானம் விடிய விடிய மேளதாளம் கதைதான்.

120 கோடி மக்கள் தொகை,உலகின் 7 வது மிகப்பெரிய நில அமைப்பு 3.28 மில்லியன் ச.கிலோ.மீ பரப்பளவை கொண்ட நம் நாட்டில் போதுமான விழிப்புணர்வு இருக்கிறதா என்றால் .. கேள்வி மட்டுமே மிஞ்சும்.

செல்லப்பிராணிகள் வளர்ப்பவர்கள் எல்லாம் சூழலியர்கள்!மிருக காட்சிசாலைக்கு பார்வையிடுபவர்கள் எல்லாம் இயற்கையின் மேல் பற்றுகொண்டவர்கள் என்ற சூழல் தான் இங்கே உள்ளது.

மூன்றில் ஒரு பங்கு காடு இருக்கவேண்டும் என்பதற்காக கண்படும் இடமெல்லாம் மரம் வைப்பவர்களுக்கு தெரிவதில்லை காடு என்பது உருவாக்கமுடியாதது என்பது!!.அதிகரித்து வரும் நகரமயமாக்கலில் மரம் நடுவதால் ஏற்பட போகும் விளைவுகளை இவர்கள் அறிவதில்லை.

நாம் பயன்படுத்தும் வாகனம் மற்றும் வீட்டு உபயோக பொருட்களில் இருந்து வெளியேறும் கரிமில வாயுவை குறைத்தாலே அதிக புண்ணியம் உண்டு இவர்களுக்கு.

கட்ந்த 10 ஆண்டுகளில் தமிழனின் அசராத கனவான வீடு என்பதன் உச்ச விளைவுதான் மணற்கொள்ளை.சாலை வராத கிராமம் எத்தனையோ உண்டு தமிழ்நாட்டில் .ஆனால் மணற்கொள்ளைக்கு வசதியாக சாலை போடாத ஆறு இல்லை இன்று.அண்டை மாநிலங்கள் அனைத்தும் தடை செய்யப்பட்ட இவ்விசயம் தமிழ்நாட்டில் மட்டும் சாதி மதம் கட்சி என்ற எந்த பாகுபடும் இன்றி கனஜோராக நடக்கிறது.

களிமண் தெரிய சுரண்டப்பட்ட ஆறுகளில் இனி எப்படி தண்ணீர் சுத்தமாக இருக்க போகிறது?? தண்ணீர் எப்படி இருப்பு இருக்கும்? 3 டன் நுண்ணியிர்கள் கலந்த மண் 1 டன் தண்ணீரை இருப்பு வைத்திருக்கும். தினம்தோரும் தாமிரபரணி ஆற்றில் 5 டன் மணல் எடுக்கப்படுகிறது. ஒரு ஆற்றுப்படுகையில் மட்டுமே!! தமிழ்நாட்டில் 33 ஆற்றுப்படுகைகள்!! மீதியை நீங்களே கணக்கிட்டுக்கொள்ளுங்கள்!!

தண்ணீருக்காக அணடை மாநிலத்தில் கையேந்திக் கொண்டிருக்கும் அப்ல நிலையில் ,பேராபத்தை நாமே விருந்து வைத்து அழைத்துக் கொண்டிருக்கிறோம். தாமிரபரணி ஆற்றோரம் மட்டும் 1 லடசம் தென்னை மரங்கள் பட்டுப்போய் 50,000 பேர் வாழ்வாதரத்தை இழந்துள்ளனர்.ஏற்கனவே மாத பட்ஜெட்டில் இடம் பிடித்து விட்ட குடிதண்ணீர் சத்தம் இல்லாமல் மக்களின் மனிப்பர்சை பதம்பார்த்து வருகிறது.

தேரைகள் திரண்டு பாம்பை வளைச்ச கதையாய் சாயப்பட்டறை அமிலத் தண்ணிரும் தோல் கழிவுகளும் கலந்து அத்தண்ணீரை எந்தப் பயனபாட்டுக்கும் உதவாதாக மாற்றுகிறது.நொய்யலும் ஆம்பூரும் சொன்ன சேதிகள் மனிதர்களுக்கு புரிவில்லை போலும்.வளரும் நாடுகளில் 37 வகையான உயிர்கொல்லி நோயகளில்21 தண்ணீர் சமப்ந்தப்பட்டவை.

செந்நிறமாய் கழிவு கலந்த நீரைப்பயன்படுத்தி வரும் விவசாய பொருட்களும் நஞ்சாகிறது. அதை உண்ணும் மனிதர்களுக்கு அது பரவி புதுப்புது வியாதிகளும் மலட்டுத்தன்மையும் அதிகரித்து வருகிறது.

இதுபத்தாது என்று நிருவனங்களும் போட்டி போட்டிக் கொண்டு மலைகளை உடைத்து காடுகளை அழித்து நீரின் ஆதாரத்தை அழித்துக்கொண்டு இருக்கிறார்கள்.சோலா காடுகளின் மகிமை தெரியாத அதிபர்கள்!!அதில் வாழும் உயிரின்ங்களையும் அழித்து மனித இனத்துக்கு கொஞ்சம் கொஞ்சமாக சவப்பெட்டி செய்துகொண்டு இருக்கிறார்கள் நவயுக பொருளாதார நிபுனர்கள்!!

அறிவியல் நிபுனர்களோ புரட்சி என்ற பெயரில் வேதியியல் உரங்களை இறக்குமதி செய்து விவசாயத்தில் புகுத்தி விட்டனர். அதன் நச்சுத்தன்மையை இப்போது எல்லா உணவுகளிலும். விளைவு இன்று நிரழிவு தேசமாய் மாறிக்கொண்டிருக்கிறது தேசம்.டைப் 1 என்ற வகை நிரழிவு நோய் இளைஞர்களை நோயாளிக்கியது தான் மிச்சம்.

இன்று ந்ம்மிடையே ஒன்றுகலந்துவிட்டன பூச்சி கொல்லிகள்.நாம் அறியாம்லே நாம் நஞ்சுடன் வாழ்ந்துகொண்டிருக்கிறோம்.இவ்வுல்கத்தில் படக்கப்பட்ட அத்தனை உயிர்களும் ஒர் அர்த்த்துடனே உள்ளது அச்சங்கிலி உடைபடும்போது அத்துடன் மடியப்போவது நாமும் தான்.. !

அதிகரித்து வரும் வெப்பம் ,உருகும் பனிக்கட்டிகள்,அதிகரிக்கும் கடல் நீர் மட்டம் எல்லாம் ஓசோனில் நாம் போட்ட ஓட்டையின் விளைவு.அடுத்த பத்தாண்டுகளில் அதிகரிக்கும் கடல்மட்ட்த்தால் நாம் பல கிலோமீட்டர் பரப்பை நாகப்பட்டினத்தில் இழக்க இருக்கிறோம். நிலத்தடி நீர் உப்பு நீரை மாறி எதற்க்கும் பயன் அற்றுப்போயவிடும். அம்மக்களின் வாழ்வாதரம்????

கட்ந்த 20 ஆண்டுகளில் அதிகரித்த பம்பு செட்களால் (சுமார் 18 ல்டசத்திற்க்கும் மேல்)நிலத்தடி நீர் நம்பிக்கையற்ற் தூரத்தில்!தமிழ் மன்னர்கள் வரலாற்றில் எத்த்னையோ போர் புரிந்துள்ளார்கள் .ஒரு மன்ன்ன் கூட ஏரிகளையோ குளத்தையோ அழித்த்தாக வரலாறு இல்லை. இக்காலமோ வேறு மாதிரியாக இருக்கிறது.

சோழர் காலத்தில் உருவான் வீராணம் ஏரியின் கொள்ள்லவு பல் நூற்றாண்டுகளாக குறையவில்லை.1000 ஆண்டுகாளில் நம் முன்னோர்களால் செய்ய முடியாத்தை நாம் 50 ஆண்டுகளில் செய்திருக்கிறோம்.1923 லில் வீராண்ம் ஆற்றின் கொள்ள்ளவு 41 மி.க.மீ. தற்போது.25 மி.க.மீ.ஒரு பானை சோற்றுக்கு ஒரு சோறு பதம்!!

நகர்புறங்களில் ஏதோ ஒரு காரணம் சொல்லி அதிகம் ஆக்கிரமிப்படுவது ஏரிகள் தான்.கேட்க யாரும் இல்லாதால்!!மதுரையில் மட்டும் 33 பெரிய மற்றும் சிறிய ஏரிகள் ஆக்கிரமிக்கப்பட்டுள்ளன.!!

நிலமும் அதில் கிடைக்கும் நீரும்தான் அங்குள்ல உயிர்கலையும் அவற்றின் வாழ்வையும் முடிவு செய்கின்றன.இந்த அடிப்படையில் தான் குறிஞ்சி,முல்லை,மருதம்,நெயதல் ,பாலை என நிலத்தை ஜந்தினைகளாக பிரித்து இயற்கையோடு இனைந்து வளமாக வாழ்ந்தார்கள். இதை மறந்தால் வெறும் பாலையாக போய்விடும் தமிழகம்!!!

Read more...

நாளை மற்றுமொரு நாளே...

நாளை மற்றுமொரு நாளே....


              இருபதாம் நூற்றான்டின் தொடக்கத்தில் உலகம் தொழிற்சாலை,வருமானம் என்று ஓடிக்கொண்டிருந்தது.விளைவு  உலகத்தின் முக்கிய பிரச்சனையாக சுற்றுச்சூழல்.வனம் அழிந்தால் மனித இனம் அழியும் என்று புரிந்துகொண்டது உலகம்.வளர்ந்த நாடுகள்  வனத்தை அதிகரிக்க தீவிர நடவடிக்கை எடுத்துவருகின்றன.
             இயற்கையை வணங்கியும்,வனவிலங்குகளை தெய்வங்களாகவும் போற்றும் கலாச்சாரம்  நம்முடையது.இயற்கைக்கு விழா எடுத்து நன்றி சொன்ன தலைமுறை, இத்தகைய  வனச் செல்வங்களை காப்பாற்றினோமா என்றால் கேள்வி மட்டுமே பதிலாய் இருக்கிறது.

மனித இனத்திற்கு அடிப்படை உயிர் வாயு ஆக்சிஜன்.அதற்கு முக்கிய ஆதாரமான மேற்கு மலைத்தொடர் நாம் பெற்ற அரிய செல்வம்.இம் மலைத்தொடர் குசராத் மாநிலத்தின் எல்லையில் உள்ள தபதி ஆற்றுக்கு தெற்கே தொடங்கி கோவா, கர்நாடகம்,தமிழ்நாடு,கேரளா வழியாக சென்று கன்னியாகுமரியில் முடிவுருகிறது. நீளம் 1600 கி.மீ.பரப்பளவு 60,000 சதுர கி.மீ. இம்மலைத்தொடர் தனித்துவம் வாய்ந்தது.இமயமலையை விட வயதில் மூத்தது என்று ஆய்வுகள் தெரிவிக்கின்றன.இதில் 5000 வகை பூக்கும் தாவரங்களும்,139 வகை பாலூட்டிகளும்,508 வகை பறவைகளும்,176 வகை இருவாழ்விகளும் உள்ளன.இது உயிர் வழமைமிக்க பகுதி என்று யுனெஸ்கோ அறித்துள்ளது.

மேற்கு மலையின் மறைவு பகுதியில் அமைந்தது தான் தமிழ்நாடு.நமது நீர் ஆதாரமான காவிரி ,பாலாறு,தென்பெண்னை ,வைகை ஆறுகள் இம்மலைத் தொடரில் தான் உற்பத்தியாகின்றன.நமது கண்முன்னே பல ஆறுகளும் சீரழிந்து போய்விட்டது.இதற்கு காரணம்  தேடினால் ஆறுகளுக்கும் வனத்திற்கும் உள்ள உறவு புரியும்.எல்லா அறுகளும் மலையில் உள்ள சோலை காடுகளிலில் தான் உற்பத்தியாகும்.தமிழ்நாட்டில் மழை நாட்கள் என்பது 35 முதல் 50 நாடகள் மட்டுமே.900 மில்லி மீட்டர்.குறைவான நாட்களிலில் பெய்த்த மழையை எப்படி சேமிப்பது?அதை தான் சோலா காடுகள் செய்கிறது.ஒருமுறை பெய்யும் மழையை 3 மாதம் வரை சேமித்து வைத்து தருகின்றன.காடுகளை கணக்கில்லாமல் அழித்து நமது நீர் ஆதாரங்களை சீரழித்துவிட்டோம்.சோலைகாடுகளை அழித்தன் விளைவு சுமார் 3000 ஓடைகள் வற்றிவிட்டன என்கிறது ஆய்வு.இந்த காடுகளில் நட்ட தைல ,சீகை மரங்களால் ஒரு பயனும் இல்லை.தைல மரம் பரவாது.நட்டால் தான் வ்ளரும்.ஆனால் சாயபட்டறை பயன் களுக்காக வைக்கப்பட்ட சீகை மரம் அதற்க்கும் பயன்படவில்லை.இந்த மரங்கள் பரவி சோலைகாடுகளை அழித்து விடுகிறது.

காடுகளின் ஆதாரமான வனவிலங்குகள் குறைந்ததும் கூர்ந்து நோக்க வேண்டிய விசயம்.40,000 புலிகள் இன்று 1411 குறைந்தது வேதனையானது.தமிழ் நாட்டில் சுமார் 50 புலிகள் இருக்கும் என்று நம்பப்படுகிறது.வேகமாக அழிந்து வரும் புலி காடுகளின் வளமையின் குறியீடாக கருதப்படுகிறது.மத்திய அரசு புலிகளை காப்பதற்க்கு 2008-09 ல் 157 கோடியும் 2009-10 ல் 240 கோடியும் ஒதுக்கீடு செய்துள்ளது.இப்படியிருந்தும் கடந்த சனவரி முதல் நவம்பர் வரை 76 புலிகளை இழந்திருக்கிறோம் .இது வனத்தில் உள்ள புலிகளில் 7 சதவீதம்.26 புலிகள் வேட்டையில் கொல்லப்பட்டிருக்கிறது. தமிழ்நாட்டில் 2 புலிகள்.ஏற்கனவே நாம் சத்தியமங்களம் பகுதியில் இருந்த சிவிங்கி புலி,கொங்கு  பகுதியில் தங்க நிற பாண்டா என்ற் அரிய வகை ஆர்கிட்மலர்,அமராவதி ஆற்றில் கானபட்ட மயில் கெண்டை மீன் மற்றும் பல அரிய வகை இனங்களை முற்றிலும் அழித்துவிட்டோம்.இந்த மீன் காவிரியில் கொஞ்சம் இருக்கிறது.இதை தூண்டிலில் பிடிக்க பலநாட்டில் இருந்தும் வருகிறார்கள்.அழியும் தருவாயில் உள்ள சிலுவைமரம்,வரையாடு,கழுகு,தொட்ர்ந்து நடைபெரும் யானை மரணம் போன்றவை நம் அவலநிலைமையை உலகத்திற்க்கு உரக்க சொல்கிறது.

               மொரிஷியஸ் தீவில் கல்வேரியாமேஜர் என்ற 300 வருட பலமைவாய்ந்த மரம் 18 மட்டுமே உள்ளது.இதன் விதைகளிருந்தும் புதியதாக முளைக்கவில்லை. இதை ஆய்வு மேற்கொண்டதில் உலகம் ஒர் மிகப் பெரிய உன்மையை கண்டுகொண்டது. இங்கு வாழ்ந்து வந்த டோடோ என்ற பறவை முற்றிலும் அழிந்துவிட்டது.அந்த பறைவை உண்டு கழிக்கும் விதைகளுக்கு தான் முளைக்கும் ஆற்றல் உண்டு.இப்போது அந்த பறைவையும் இல்லை.புதிய மரங்களும் இல்லை. இந்த ஆய்வுலிருந்து தான் காட்டில் உள்ள ஒவ்வொரு உயிரினத்தின் பங்களிப்பும் வளமைக்கு முக்கியம் என்பதை உலகம் புரிந்து கொண்டது.முட்காடுகளில்  மான்கள் வாழாது.யானை முட்புதரின் வழியாக செல்லும் போது பாதை ஏற்படும்.யானைகள் இருக்கும் காட்டில் மான்கள் இருக்கும்.மான்களைத் தேடி புலிவரும்.யானைகளின் சானத்தின் மூலம் தாவரங்கள் எளிதாக பரவும்.சானத்தில் முழைக்கும் காளனை சாப்பிட ஆமைகள் வரும்.சானம் மக்கி காட்டிற்க்கு உரமாகிவிடும்.யானையை "ஆதார உயிரினம்"என்கிறார்கள்.காட்டுப்பன்றி கிழங்குக்காக குழி தோண்டுவது காட்டை நன்கு உழுவதற்க்கு சமம்.அந்த குழியில் விழும் விதைகள் எளிதில் முளைக்கின்றன.இறந்த விலங்கு எவ்வளவு பெரியதாக இருந்தாலும்  கழுகுகள் அதை உண்டு காட்டை சுத்தமாக வைக்கின்றன.இப்படி இந்த உலகில் வாழும் எல்லா உயிரினமும்  ஒன்றை ஒன்று சார்ந்து இயங்குகின்றன.

                  இன்று அழிவிலிருந்து உடனடியாக்  காக்க வேன்டியது தவளைகள் தான்.எங்கு திரும்பினாலும் காயச்சல் .கொசுவர்த்தி ஏற்றாத இரவுகள் இல்லங்களிலில் இல்லை. கொசுவின் லார்வா பருவத்திலேயே தவளைகள் அதை சாப்பிட்டு விடும்.ஒரு கட்டுக்குள் இருந்தது.தேயிலை தோட்டங்கலில் அடித்த பூச்சிக்கொல்லிகள் மழை நீர் மூலம் ஆற்றில் கலந்தன.நாம் பயன்படுத்தும் சானி பவுடர்,ஷம்பு மற்றும் பல ரசாயன பொருள்களும் தவளைகளுக்கு எமன் ஆகிவிட்டது.அழிவின் விழிம்பில் இருக்கிறது தவளை.

                  நமக்கு தேவையான காடுகள் 33 சதம்.ஆனால் இருப்பதே 17.5 சதம் என அரசு குறிப்புகள் தெரிவிக்கின்றன.ஆனால் செயற்கைகோள் படங்கள் அதை விட குறைவாகவே   சொல்லுகின்றன.காடுகளை அதிரிப்பது பற்றி யோசிப்பதற்க்கு முன்னால் இருப்பதை காப்பது மிக முக்கியம்.வன கொள்ளை கடுமையாக தடுக்கப்பட  வன சட்டம் கடுமையாக அமல்படுத்த வேண்டும்.மனித வனவிலங்கு மோதலை தடுக்க  நவின முறைகளை அமல் படுத்தலாம்.யானைகள் விவசாய நிலங்களில் புகுவதை தடுக்க கென்யாவில் பயனபடுத்தும்  தேனீக்கள் முறையை இங்கும் அமல்படுத்தலாம்.செலவு இல்லாமல் அதிக வருமானம்.  வனப்பகுதிக்குள் அத்துமீறி நுலைவதை தடுக்க வன பாதுகாப்பு அதிகரிக்கலாம்.சரனாலய பகுதியில் இருக்கும் மக்களுக்கு அவர்கள் விரும்பும் இடத்தில் வீடுகள் அல்லது தகுந்த பொருள் உதவி.அவர்களையும் வன பதுகாப்பில் பயன்படுத்தலாம்.பல மாநிலங்களிலும் இது நடைமுறையில் உள்ளது.வனத்துறையை நவீன படுத்த வேண்டிய காலம்.

அதிகரித்து வரும் மக்கள்தொகை,உயரும் கால்நடைகள்,அதி வேக தொழிற்மயம்,காங்கிரிட் கட்டங்களாக மாறும் காடுகள் என்று  மிகப்பெரிய சவால்களுக்கு முன் முட்களுக்கு மத்தியில் பூத்த குறிஞ்சி மலராய் மிச்சமிருக்கிறது நம்பிக்கை.

Read more...